© 2019 CV De Foetelaers 

Proclamatie 2019

Prinses Laura:

Leif Foetelaerinnekes en Foetelaers,

 

Zowie geer allemaol hub gemirk is de wèndj biej os Foetelaers oet eine ganse angere houk op komme sjtaeke. Aug dit, de proklemasie veurlaeze, pas ein bietje in det verangerende waerbeeld, want wie Jeanny det al jaore trök in de sjötterswaereld haet gezach, aug weer, vrouwluuj, verdeine ein bietje mach!! Mam van mich haet jaore en jaore geleje, ze waor nog dermatologischblondj, al es prinses hoog in de wolke gesjtange same mit NGP prins Martin.

Vastelaovesvierders of wie angesj mot ig uch nuime?

Of….zeet geer toevallig nao de Plus, of dae van de Sjeeper op waeg?

De mis is gedaon, dao zit noe geine meer in de kirk, of mesjien is nog eine ongeluivige blieve sjtaeke in de biechsjtoul..

Waat is dit hie veur mich, ein Pegida Protes?

Of wao zin die gael hesjes hiej?

Oh ja ig zeen ’t die oranje dao dat zin verkeers-vreigelaere

Jao ig bön Laura, Prinses Laura, dochter van Peter en dae zou zo nog ein oer taege ug aan kalle det weit geer waal!

Laote w’r mer zigke det noe ein bietje ‘t verfiende deil begint.

Mer hiej sjtuit ein maedje wao Pit in zit, en ig sjtil aan ug veur:

 

Miene Prins en eure Dorslustige Hoogheid:

 

Prins Levi 1e

Prins Levi:

Zo gaef mich noe mer ins flot dae microfoon:

 

Ig bön dus Levi, noe ingezaegend es Levi 1e

Wie geer kint zeen: hiej sjtuit eine 100% volle Prins in ein ram nuuj maotkestuum!! Me leif waat houwe veer ein sjpas de Foetelaers wolle mich proppe in ’t pak van auwt prins Bas…

Ig bön neit ech ’t sjmaalste sjtök van Limburg mer waat sjoon dat ig dao toch mer lekker woon!

Mien heerlikke prinses Laura, houf ig uch neit meer veur te sjtille. Trouwes ze haet al genog gezag, vergaef ’t häör, wae houw get angesj van de auwtste dochter van Peet en Margot gedach…

Leif vastelaovesvrunj, weer wille de vastelaovend heel gaer mit jederein deile en belaeve jederein is en blif dao-in geliek!

Wie sjtille weer os det den veur?

Loester den mer ins goud:

 

Manjefieke tradiesies hauwte ’t laeve, laeventig, in os Foetelriek:

De optoch mit Sinte Maerte op de 11e van de 11e

Appelzènge

Saere mit de persessie veur de St Janskirmes

Paosjeijer rape…. Mit paosje

Sinterklaos mit zjwarte piete verwelkomme en jeder jaor op ein bezunjer menaer

Foetel-verbrenne

Peutje trèkke

Nonnevotte eh Foetelvotte oetdeile

Tenj laote trekke biej Eef

Häörepaerter weijefees

FC Ria kampioen

Veurpruive

Diner dansant ….SAMEN…mit TIBA

Vastelaoveskonzèr van de hermenie

OLS bölkes aaf, mit St Jan es letste euvergebelve sjötterie

Mansluuj en vrouluuj zittinge

’t Waope van Nuujsjtadt, café Centraal, De Duif, ’t Nestje, De Piep…..

Zouw ’t sjtraolend ZLF aug tot tradiesie kinne waere verheve?

En zo zin d’r nog väöl meer

 

Wie wille weer oze en dus aug ugge vastelaovend gaer belaeve?

Ein optoch wie die van Sinte Maerte wao-in gezonge wurt, einsgezindheid wie biej ’t ZLF, Foetelvotte om de doosj op te drieve, den zol ig mich vuile wie dae sjitterend ingehaolde Sinterklaos mit paoseijer om mit te kinne sjtruije!

Weer, Foetelaers, höbbe nog os eige sjlechterie, ein eige plus, ein pinautomaat vol sente (meistal), kapperszake det ’t verrik, naegelstylistes veur jedere nagel eine angere, auto’s kinne hie waere gekoch, verkoch en oetgedeuk, taegewaordig kinse zellufs drin lere rieje, dranksjpesjaalzake, Fritteboet zo greuts wie eine P…, ein kattelieke kirk mit dieto begraafruumte, sjpaorhut, poskantoor, ein vol piep, bekkerie, blaume en meziek…..

Mer geine meer dae dich ins richtig nao de tenj kiek…

Blief van mien tenj tatatatada (wiez blief bie de mam)

Mot ig plombere 75 kere (sollisietere)

Ig hub Pee Ieee EN PIEEEEEN aan m’n tenj (Proemevlaaj)

Evert Bedank (wie mamma bedank in blief bie de mam)

’t Leste consult is gewaes!

 

Daobiej vènje weer dat jederein, teminste eine richtige Foetelaer, zol motte weite dat

1 maol 11 jaor geleje, Fidel Castro oetsjeijde mit zien oerelange toesjpraoke en ig pas sjus begoosj bun

2 maol 11 jaor geleje, volgde zöster Mirmale moder Teresa op Laura det dus neit zal gaon doon

3 maol 11 jaor geleje, Matje Lousberg es prins Math de 6e hiej de septer zjweijde en eigelik nog ummer mit get zjweijt

Venlo haet de zoepkoel, Foetelaers hubbe de ……. Topskoel!

Zitterd haet ’t kanon van ’t balkon….. Foetelaers hubbe gein balkon neudig!

Remunj haet de sjtasiefestasie, door ’t Foetelriek raoze treine väöl heller es door Remunj dao pas gein sjtasie bie! En veer hubbe de losplaatsj!

Weer eine grote prins en prinses hubbe, weer hubbe eine jeugprins en prinses, weer hubbe ein set adjudante wao me geer taege kint zigke Guus en Monique drage en rieje os de vot nao, daonaeve eine biejnao sjpiksjlinter nuuj raod van biejnao 11 mer absoluut gruijend en bluijend mit eine nuuje vors en eine nuuje veurzitter weer hubbe ein gruijend auwt prinse arsenaal waobie aug veur auwt vors Zef ein plaatsj is gevonje zo heurt en zo geit dat in os Foetelriek.

’t Nuuje Themabal van 2020 is ram oetverkoch.

Vastelaoveskiene allein mit ’t siefer 11 zal waere gehauwte

Dees proklemasie gein 11 punjtje op rijm haet, neit omdat ’t mot mer omdat ….veer Foetelaers zin!

Weer veur de Nixshit zin en det beteikent neit dat Nuujsjtadt oet de gemeinte zal sjtappe en de grenze deit sjloete mer waal det honje-oetwerpsele neit oppe sjtoep heure!

VDL eindelik aug sjnap det Mini’s en BMW’s op de waeg heure te rieje en niet op ’n sjpaor!

Weer ’t eesjte villawoonwagepark kriege, aan de Funkelwei

Dao achter t kamp en veur Zöstere waert eine enorme sjtapel grondj verzameld, gein projek van Trump, det is grondj dae kump oet de grondj oftewaal ’t rizzeltaat van ’t projek Foetelriek oppe sjöp gorndj droet loch drin….

Ig bön greutsj dat veer uch aeve hubbe kinne toesjpraeke vanaaf dees historiese plaatsj, weer wunsje uch eine fentastiese vastelaovend!

Weer regaere ug onger os motto:

Os vastelaoveskompas wis noe nao lol en sjpass dus zette veer mit volle vaart de Nuujsjtadtse vastelaovend oppe kaart.

 

Nuujsjtadt Alaaf

Foetelaers Alaaf

Vastelaovend Alaaf